Sheteldegi qazaq uıymdarynyń basshylary, qoǵam belsendileri, janashyrlary jáne sheteldegi ǵylym, bilim, mádenıet, bıznes, medıa, saıasat syndy basqa da salalardyń kórnekti ókilderi oılaryn ortaǵa saldy.
Germanııanyń Keln qalasyndaǵy Qazaq qaýymdastyǵynyń tóraıymy, Eýropa qazaqtary quryltaıynyń tóraıymy Sadııa Súrer mundaı forým ulttyq tamyrymyzdan ajyrap qalmaý úshin qajet deıdi.
«Biz búgin Astana tórine jınaldyq. Mundaı basqosýdyń mańyzy zor. Sebebi dúnıeniń tórt tarabyndaǵy tarydaı shashyraǵan qazaqtyń arqasúıeri, ata jurty − Qazaqstan. Sondyqtan osy forýmdy uıymdastyrýshylarǵa alǵys aıtamyn. Germanııadaǵy qazaqtar jıi bas qosyp turamyz. Toı-tomalaq, asta ǵana emes, basqa da rýhanı baılanys ornaıtyn jıyndar jıi ótedi. Munyń barlyǵy da bizdiń jas urpaqtyń ulttyq tamyrynan ajyrap qalmaýy úshin kerek. Bizdiń balalarymyz ana tilin umytpaýy úshin, jahandanýǵa jutylyp ketpesin dep jıi jınalyp, ulttyq qundylyqtarymyzdy dáriptep kelemiz. Astana qalasy kúnnen kúnge kórkeıip barady eken. Jas memlekettiń órkendeýi el ishindegi tynyshtyqqa tikeleı tańýly», dedi Sadııa Súrer.
